Hozirgi kunga kelib soch to'kilishi muammosiga duch kelmagan ayolning o’zi bo’lmasa kerak. Va barchamizda koronovirus bilan bog’liq muammolar bo’lganligi sababli, ko'pchiligimiz yana bir bor tanamizning shunday chidab bo'lmaydigan holatini - soch to'kilishini boshdan kechirdik. Va yaqinda onaga aylanganlar uchun soch to'kilishi muammosi juda tanish.

Biz hammamizga soch to'kilishining eng keng tarqalgan sabablari ma’lum, bular stress, kasallik, noto'g'ri ovqatlanish, uyqu yetishmasligi, tug'ruqdan keyingi davr – bir so’z bilan ayganda immunitetning pasayishi. Bunday holatda, darhol vaziyatni qo’lga olib harakat qilish kerak: sababni toping, muammoni hal qiling va iloji boricha uzoq vaqt davomida sog'lom soch holatini saqlashga harakat qiling. Axir siz har safar to’kilgan soch tolalarigizni sanab hisob yuzga yetmaganidan quvonishni xohlamasangiz kerak. Sizda kech bo'lmasdan, ko'proq sochni saqlash imkoniyati mavjud.

O'z tajribamdan kelib chiqib shuni qo'shimcha qilmoqchimanki, uy sharoitida qo’llaniladigan soch niqoblari ba’zida  samarasizdir. Bunday hollarda mutaxassislarga murojaat qilish to’g’ri yechim hisoblanadi. Mening sharoitimda sochni mustahkamlash uchun bir nechta muolajalardan o'tish kifoya qildi. Va agar  soch to’kilish darajasi yuqori bo'lsa, mezoterapiyadan o'tish zarar qilmaydi.
Keling, mezoterapiya nima ekanligini batafsilroq ko’rib chiqamiz. Mezoterapiya - bu soch o'sishini rag'batlantiradigan, soch to'kilishini to'xtatuvchi va bosh terisini umumiy yaxshilashga hissa qo'shadigan vitaminlar, mikroelementlar, peptidlar bilan to’yintirilgan  kokteyllar in'ektsiyasidir. Mezoterapiya kursi odatda 10-15 seansdan iborat bo’ladi.

Mezoterapiyaga quyidagi hollarda murojaat qilish kerak:

• sochlarning oqarib ketishi;
• kuchli mo'rtlik va sochlarning sininshi;
• soch to'kilishi;
• quruqlik yoki ortiqcha yog 'lanish;
• qazg’oqlarning  paydo bo'lishi;
• soch o'sishining sezilarli sekinlashishi;

Davolash usuli bir necha bosqichlardan iborat:

1.  Mutaxassisning maslahati. Birinchi o’rinda shifokor sochlarning holatini tekshirishi kerak (terini qirib na’muna olish amalga oshiriladi). Sinovlar natijalarini olgandan so'ng va umumiy tekshiruvdan so'ng mutaxassis protsedura zarurati to'g'risida qaror qabul qiladi, shuningdek, eng mos mezo-kokteylni tanlaydi.
2.  Allergenlarni aniqlash. Jarayon oldidan shifokor test o'tkazadi, uning natijalari mezo-kokteyl tarkibiy qismlariga sizda allergiya mavjud yoki yo’qligini aniqlaydi.
3.  Anesteziya. Jarayon in'ektsiyani o'z ichiga olganligini hisobga olib, shifokor sizga mahalliy og’riqsizlantirishni taklif qilishi mumkin.
4.  Dezinfeksiya. Infeksiya yuqishini oldini olish uchun, muolajadan oldin, bosh terisi xlorheksilin yoki spirt bilan yaxshilab artiladi.
5.  Qorishmani yuborish. Inyeksiya eng nozik ignalar bilan amalga oshiriladi. Yuborishlar soni ko'p  bo'ladi, chunki bu kokteylni bosh terisining butun yuzasiga bir xilda yuborish juda muxim.
6.  Qayta dezinfeksiya qilish. Jarayon tugagandan so'ng, mutaxassis yana bir marta inyeksiya joyini antiseptik bilan artib tashlaydi.

Soch mezoterapiyasining afzalliklari:

 • Soch to'kilishi qisman kamayadi yoki to'xtaydi.
 • Sog'lom va kuchli ildizlarni o'sishini oshiradi.
 • Yog 'bezlarining faolligi pasayadi, sochlar uzoqroq toza bo'lib qoladi va hajmini    saqlaydi.
 • Qon aylanishini va kislorodning soch follikulalariga kirishini oshiradi.
 • Qazg’oq sezilarli darajada kamayadi yoki butunlay yo'q qilinadi.

Sochlarning umumiy holati sezilarli darajada yaxshilanadi - ular zich, ipakdek bo'ladi, turmaklash ossonlashadi va chalkashmaydi.

Har qanday kosmetik muolaja singari, mezoterapiya ham bir qator qarshi ko’rsatmalarga ega:

• homiladorlik va laktatsiya;
• mozokokteylning bir qismi bo'lgan dorilarga allergik reaktsiya;
• ayollar uchun - hayz ko'rish davri;
• endokrin tizimning buzilishi;
• xolelitiyoz;
• zararli yoki zararsiz neoplazmalar;
• mezzo-kokteyl tarkibiy qismlariga mos kelmaydigan dori-darmonlarni qabul qilish;
• bakterial yoki virusli infektsiyadan kelib chiqqan teri lezyonlari.

Jarayondan keyin nima qilish qat'iyan man qilinadi?

1.  Seansdan keyin yana bir necha kun davomida bosh terisiga ko'plab inyeksiyalar yuboriladi, shuning uchun infektsiyani yuqtirmaslik va davolash jarayonini sekinlashtirmaslik uchun sochingizni yuvmaslik kerak.
2.  Quyoshda kunduzi sayr qilishdan qochish, shuningdek, quyoshda toblanish, solaryumlarga tashrif buyurishni rad qilish yaxshiroqdir.
3.  Birinchi ikki reabilitatsiya kunida suzish havzalari, hammom va saunalar taqiqlanadi.
4.  Muolaja uchun eng yaxshi payt kunning birinchi yarmi hisoblanadi, chunki dastlabki  8 soatdan  siz issiq hammom yoki dushda cho'mila olmaysiz. Inyeksiya joylari qurib ketishi kerak.
5.  Bosh massaji ham eng yaxshi g'oya emas, chunki mexanik ta'sir to'qimalarning inyrksiya qilingan joylariga zarar yetkazishi mumkin.
6.  Va, albatta, alkogolsiz, chunki spirtli ichimliklar, ba'zi dorilar kabi, qonni suyultiradi.

Lazer terapiyasi 

Pulsatsiyalanuvchi yorug'lik nurlari soch o'sishi hududiga kirib, qon aylanishini yaxshilaydi va soch follikulalarini faollashtiradi. Terapiya haftada 2-3 marta amalga oshiriladi, birinchi natijalar 2-3 oydan keyin seziladi.

Ozon terapiyasi

Muolaja ikki usulda amalga oshiriladi:
1. Muammoli joylarga inyeksiya;
2. Ozonli "issiqxona" yordamida, boshga maxsus qalpoq qo'yilganda.

Massaj

Massaj bosh terisida mikrosirkulyatsiyani faollashtiradi, bu esa o’z navbatida soch follikulalarini muhim oziq moddalar bilan ta'minlashni yaxshilaydi, shuningdek, intensiv mahsulotlardan faol moddalarning biologik mavjudligini oshiradi. Haddan tashqari kuchlanish berishdan qochib, birinchi navbatda massaj qilish samarasini oshirish bo'ladi, so'ngra intensiv terapiya vositasini qo'llash maqsadga muvofiq.

Va nihoyat, soch to'kilishiga qarshi kurashda bir oz o’z shaxsiy tajribamdan kelib chiqib qo'shimcha qilmoqchiman. Xitoyda yashab, mahalliy sochni tiklash va transplantatsiya klinikasiga borishga majbur bo'ldim. Rostini aytsam, uchinchi muolajadan keyin men o'zimda ijobiy natijani kuzatdim. Men vitaminli kokteyllardan iborat inyeksiya kiritishim shart emas edi, faqat quyidagi bosqichlarni bajardim:

1. Bosh terisini tozalash. Bu terining foydali tarkibiy qismlarini soch follikulalariga yaxshiroq singdirishi uchun juda muhimdir. Shampun, xuddi soch kremi kabi, boshimizdan to'liq yuvilmaydi va vaqt o'tishi bilan bosh terisi o'zida ko'rinmas qoplama to'playdi.
2.  Ozon terapiyasi. Boshga shlyapa kiydiriladi, u yrdan esa bug ' beriladi. Shaxsan men his qilganim faqat yoqimli iliqlik bo’ldi.
3.  Gua-sha yordamida massaj qilish. Qon oqimini yaxshilash uchun massaj juda foydali bo'ladi, ammo Xitoyda gua-sha qo'llar  bilan birgalikda  ishlatiladi. 
4.  Lazer terapiyasi. Jarayonlar tugagach, men stulga o'tirdim va boshimga yo'naltirilgan qizil nurlar tarmog'iga ulandim. 
Yoshingiz ulg’aygani sari siz sochingiz yoshlikdagi kabi bo'lmasligini tushuna boshlaysiz, tana sochlarimizga ta'sir qiladigan turli xil salbiy tashqi, ichki omillarga duchor bo'ladi. Shuning uchun g'amxo'rlik juda muhimdir. O'zingizni va sog'lig'ingizga bo’lgan e’tiborni  kechiktirmaslik  harakat qiling. Chunki ma'naviy uyg'unlik faqat o'z-o'ziga g'amxo'rlik qilishdan boshlanadi.